क्रीडा (तिरंदाजी / Archery)
अनुभवी ऑलिम्पिकपटू दीपिका कुमारीच्या नेतृत्वाखाली भारतीय महिला संघाने विश्वचषक तिरंदाजी स्पर्धेत ऐतिहासिक सुवर्णपदक (Gold Medal) पटकावले आहे.
प्रमुख मुद्दे :
- स्पर्धेचे नाव व ठिकाण : विश्वचषक तिरंदाजी स्पर्धा (Archery World Cup - Stage 2), शांघाय, चीन.
- प्रकार : महिला रिकर्व्ह संघ प्रकार (Women's Recurve Team Event).
भारतीय सुवर्णपदक विजेत्या संघातील खेळाडू :
- १ . दीपिका कुमारी (कर्णधार / नेतृत्व)
- २ . अंकिता भकत
- ३ . कुमकुम मोहाड (विशेष नोंद : ही महाराष्ट्रातील अमरावती येथील युवा खेळाडू आहे).
- अंतिम लढत (Final Match): भारतीय संघाने यजमान चीनचा अत्यंत अटीतटीच्या 'शूट ऑफ' मध्ये ५-४ (२८-२६) असा पराभव केला. चार सेटच्या मुख्य खेळानंतर दोन्ही संघ ४-४ अशा बरोबरीत होते.
या ऐतिहासिक कामगिरीची महत्त्वाची वैशिष्ट्ये :
पदकाचा दुष्काळ संपला : महिला रिकर्व्ह संघाने २०२१ नंतर विश्वचषकात जिंकलेले हे पहिलेच सुवर्णपदक आहे.
ऐतिहासिक विक्रम : दीपिका कुमारीच्या नावावर २०१० पासून आतापर्यंत विश्वचषक सांघिक प्रकारातील एकूण सात सुवर्णपदके झाली आहेत.
-
'शूट ऑफ' मधील कामगिरी :
- अंतिम निर्णायक क्षणी अमरावतीच्या १७ वर्षीय कुमकुम मोहाडने १० गुणांचा वेध घेत शानदार सुरुवात केली.
- अंकिता भकतने ९ गुण मिळवले.
- शेवटी अनुभवी दीपिका कुमारीने ९ गुणांचा वेध घेत भारताचे सुवर्णपदक निश्चित केले.
याच स्पर्धेतील इतर इतर महत्त्वाची कामगिरी :
- प्रथमेश जाधवाचे कांस्यपदक : याच शांघाय विश्वचषकात शनिवारी भारताच्या प्रथमेश जाधवने कंपाऊंड प्रकारात वैयक्तिक कांस्यपदक (Bronze Medal) पटकावले होते.
- सिमरनजीत कौर : वैयक्तिक रिकर्व्ह प्रकारात सिमरनजीत कौरला उपांत्य फेरीत जागतिक क्रमवारीत पहिल्या क्रमांकावर असलेल्या दक्षिण कोरियाच्या 'कांग चाययंग' कडून पराभव स्वीकारावा लागला. त्यानंतर कांस्यपदकाच्या लढतीतही तिला दक्षिण कोरियाच्याच 'जांग मिन्ही' कडून पराभूत व्हावे लागल्याने तिचे पदक हुकले.